Flinter
Tickets

Skrik Festival 2026

Keep on rocking in Fryslân is it tema fan it Skrik Festival 2026. Wêr’t wy yn ús prachtige lân noch altyd yn alle frijheid genietsje meie fan alle muzyk dy’t hjir makke wurdt, de artysten dy’t hjir optrede, de feesten en de festivals, de begjinnende bands of de tributebands.

It doel is om dit noch in protte jierren fol te hâlden en mei-inoar tegearre dûnsje, sjonge en genietsje te kinnen fan alle muzyk. Dêrom sizze wy: Keep on rocking, yn it moaie Fryske lân.

Artysten

SLUR

SLUR is in grunge groove-band út Amsterdam. It binne muzikale kameleons dy’t grunge rock, stoner rock, punk en funk kombinearje, wêrby’t se soms ûngebrûklike maatsoarten brûke yn in stevige groove. Harren muzyk docht tinken oan in miks tusken King Gizzard and the Lizard Wizard, The Pixies en it iere wurk fan Genesis. Se hawwe harren earste selsprodusearre debútalbum opnommen, dat letter yn 2026 útkomt.

Kalima

Psychedelyske Cumbia foar de moderne dûnsflier

CUMBIA DISCODELICA! Kalima is in sânkoppich kollektyf út Leiden dat psychedelyske cumbia mingt mei disco, funk en elektroanyske grooves. Oandreaun troch oansteklike ritmes en rike perkusje is harren sound enerzjyk, dûnsber en wrâldwiid ynspirearre. Live is de drompel leech, de enerzjy heech en is it oant yn de puntjes dûnsber!

Harren debút-EP ferskynde yn febrewaris 2025 en waard opnommen op de vintage tapemachine fan Doe Maar yn de Far Out Sound Studio yn Rotterdam. Dizze release waard fierd mei in útferkochte show yn de Nobel en levere harren in plak op yn de offisjele Popronde-seleksje fan 2025.

Sûnt dy tiid spile Kalima troch hiel Nederlân, mei festivaloptredens op ûnder oare Landjuweel, Badlands, Noorderzon, Peel Slowly And See, Museumnacht en Funked Up, en as support act foar ûnder oare The Mauskovic Dance Band en Collignon.

dEROELS

It kwartet dEROELS makket Fryske ploairock en yritaasjepop. Se meitsje eigen muzyk en teksten oer ûnder oare âlde rituelen, space cowboys en byldrjocht. It fjouwertal hat in lange steat fan tsjinst yn bands lykas Lethergy, Wiegels Wjukkelmasine, Cormick, Xigatze, Tsjettel en Tigers fan Greonterp. De hjoeddeiske besetting bestiet al sûnt 2006.

Yn april 2025 giene de mannen tegearre mei producer Joop van de Linden (Amsterdam Klezmer Band) nei de tsjerkestudio fan Hans Hannemann yn Niezijl foar de opnamen fan tolve nije nûmers. Meikoarten sille dizze nûmers ûnder de titel “Do Not Cover” op Spotify ferskine.

Yn april 2026 waard de modderfette single “Waadwiif” útbrocht op Spotify.

The Zeppelin Affair

Led Zeppelin heart ta de grutste rockbands aller tiden. Sûnt harren oprjochting yn 1968 hawwe se mei harren unike miks fan blues, hard rock en folk in bliuwende ynfloed op de muzykskiednis efterlitten. Nûmers as Stairway to Heaven, Whole Lotta Love en Kashmir binne tiidleas en noch altyd in ynspiraasje foar rockleafhawwers wrâldwiid.

The Zeppelin Affair hâldt dy erfenis yn libben mei in earbetoan dat rjocht út it hert komt. Gjin imitaasje, mar in pure belibbing fan Led Zeppelin syn lûd en enerzjy. Wat de band unyk makket, is harren sjongeres, dy’t mei har krêftige stim en berik de emoasje en yntinsiteit fan Robert Plant wit te fangen.

Mei in strakke en dreaune band efter har bringt The Zeppelin Affair de frijheid en dynamyk fan Zeppelin ta libben. Elk optreden is in reis troch de legindaryske muzyk, brocht mei deselde passy en spylske ymprovisaasje dy’t Led Zeppelin sa bysûnder makke.

Foar elkenien dy’t de magy fan Zeppelin op ’e nij belibje wol: The Zeppelin Affair bringt dy der tichter by as ea.

The All Known

The All Known is in enerzjike indie-rockband dy’t fan de earste noat ôf de oandacht pakt. Mei strakke mar boartlike songs, in djippe, folle en unike sjongstim, ekspressive drums en kreative, hoekige gitaarpartijen wit de band hieltyd wer te ferrassen.

Harren muzyk balansearret sûnder muoite tusken rauwe driuw en tûke twists, mei nûmers dy’t sawol dûnsber as laachryk binne en hingjen bliuwe. Ferline winter wurke The All Known yntinsyf oan nije muzyk, dêr’t harren sound fierder yn útdjippe en ûntwikkele is ta wat hiel eigens. Ynspirearre troch acts as The Strokes, Geese en Editors klinkt de band fertroud, mar ûnmiskenber unyk: moderne indie-rock mei karakter, spanning en in sterke live-enerzjy.

De band spile earder op poadia en eveneminten lykas Neushoorn, Vera en ESNS, dêr’t harren live-reputaasje fierder fersterke waard.

Lovers, Lost & Found

Se wiene dêr dy nacht. Fjouwer nammen. Ien ferhaal. Te folle geheimen. Lovers, Lost & Found beweecht him tusken surf noir en americana, mei in lûd dat skaaft, lûkt en hingjen bliuwt…
Harren muzyk fielt as in nachtlike rit. Lâns motels dêr’t fan alles bart dat it deiljocht net ferneare kin, lâns in tsjustere rivier dêr’t it stil wurdt, lâns dreamen dy’t krekt bûten berik bliuwe.

Rudolf, in man sûnder skiednis. Folslein wiske. Wat oerbliuwt, binne inkeld fragminten. Mar wêrfan? Hans, de lêste nachttrein naam syn geheimen mei. No hat er allinnich noch in kaartsje nei nearne. Ben, syn driuwfear is ûnbekend. Wat er bewarret, jout er nea priis. Nea.
Janna spilet allinnich in spul mei de wierheid. Wat is echt? En wat net? Dat hinget derfan ôf.

Se bewege har troch ferhalen dy’t nea hielendal ferteld wurde. Oer langstme dy’t dochs altyd bliuwt. En oantinkens dy’t har elke kear oars iepenbierje.
De muzyk bliuwt. It antwurd ferdwynt.

MARYSCOOVY

Fanút in lytse, smoarge keuken yn in Frysk gehucht meitsje in pear besopen rotten in krokant, fuzzy garage-psych-punk broadsje foar dy klear — mei in spesjale, selsmakke saus. Elke hap is oars: in eksploazje fan smaken. Do hearst Gordon Ramsay al razen en flokke.

Se meitsje muzyk as it momint goed fielt. De sfear en it lûd feroarje mei elk album, foaral omdat de line-up elke kear nije muzikanten befettet. Net elkenien oerlibbet it MARYSCOOVY-gekkenhûs, spitigernôch.

Harren muzyk is it firus dat de hiele boel besmet — en sy binne dejingen dy’t de zombies besykje tsjin te hâlden. Wês wolkom, mar wês warskôge: miskien wurdst do wol de tomaat fan dit broadsje.

Too Sloeg en de Watjongs

Te finen yn it fiere noarden, dêr’t de loft altyd krekt wat frisser is en de muzyk krekt wat hurder, binne Too Sloeg en de Watjongs in band dy’tst net gau ferjitte silst. Dizze fiifkoppige formaasje bestiet út twa enerzjike sjongers, in funky bas, rauwe gitaren en drums dy’t hurder knalle as dyn grutste nachtlike nachtmerje. Se bringe dy in eigenwize miks fan muzyk dy’t dy fan Red Hot Chili Peppers nei de Sex Pistols ta lûkt, mei in flinke doasis pretpunk. Of sa’t se it sels sizze: “Etiketten? Nah, FUCK DAT”.

Yn 2024 hawwe de Watjongs harren stimpel drukt op poadia en festivals troch it hiele noarden, en harren namme wurdt ûnderwilens freze yn de alternative scene. Se bringe in sound dy’t rau is, mar dochs funky — mei gitaren dy’t dy yn de mage reitsje, baslinen dy’t dyn fuotten net stilhâlde litte, en drums dy’t letterlik dyn hertslach fersnelle. It is de perfekte miks fan gaos en groove.

Mar boppe-al steane Too Sloeg en de Watjongs bekend om harren net te stopjen enerzjy. Se nimme dy mei yn harren gekkehûs fan gekkichheid, soargje derfoar datst net stilstean kinst en dat it bier flugger fuort is as datst “WATJONG!” sizze kinst. Ferwachtsje in show dy’t net allinnich in optreden is, mar in ûnderfining dy’tst net gau ferjitte silst.

De band is ûntstien út in mienskiplike leafde foar feesten, bier, freonskip en it lûd fan pure rock-’n-roll — de gouden tiden fan eartiids, mar mei in ferfrissende twist. Too Sloeg en de Watjongs soargje foar in feestje, dêr is gjin twifel oer. Kom del, lit dy gean en hâld dy fêst — want mei dizze band is it altyd WATJONG!

Flinter wurde

Omdat it Skrik Festival net sûnder dyn help kin, is der ek dit jier wer mooglik om it festival te stypjen. Hjirmei wurde je offisjeel ”Flinter”, en helpst ús om der ek dit jier wer iets moais van te meitsjen. As Flinter betellest €50 foar 2 kaartsjes foar it Skrik Festival. It oanmelden kin fia ûndersteande button en de rest folget fia de mail.

Ja, ik wurd flinter

Tickets

Foar tagong ta it festival kinne je in kaart keapje. In kaart kostet € 17,99. De kaarten binne hjirre ter krijen en by de yngong fan it festival. Foar bern oant en mei 13 jier en âlderein fan de 65 ôf is tagong ta it festival fergees. It is net mooglik om al betelle kaarten yn te leverjen om dyn jild werom te krijen.

Foarferkeap

Nijs

Skrik Festival makket it tema en programma bekend

Skrik Festival sil dit jier wêze op 29 augustus en fia de webside kinne jimme no al fest in idee krije fan it tema en it muzykprogramma, mei mar leafst 8 bands op de sneontejûn. Hâld dizze webside de kommende tiid ek yn de gaten want letter komt er noch mear ynformaasje om it hiele festival kompleet te meitsjen. Mar do kist dysels no al oanmelden as flinter as in kaartsje keapje foar dizze edysje fia dizze webside. Wy hawwe der no al nocht oan! Jimme toch ek?

Ynfo

Wy skriemen, jimme binne de skrikkers. Untpop jimsels ta flinter op festival Skrik. In oade oan Wommels, oan jimme en ússels. Muzyk, keunst en kultuer is allegearre op it festival te finen. Alle jierren in nij tema en bypassende oankleiing. Verskrikkelijk lekker iten en drinken ûnder it genot fan muzyk út ferskate streken. Lit je sels op in reis fol fan kultuer mei nimme troch de nacht fan Skrik en flean as flinter mei ús mei.

Ûntstean en idee Skrik

Festival Skrik is oprjochten yn 2023; in idee fuort kommen ût hurd petear en gruttendiels gemis. Gemis oan in festival fol mei keunst, kultuer en muzyk foar eltsenien.

Wat is ús idee?

Skrik as idee en namme sels komt fan ferskate ideeën. “The scream of the butterfly” ooit sjongt troch Jim Morrison fan the Doors. Skrik stjit foar de skriem fan de jongeren, de Skrik fan de skriem fan de flinter en it dêr út ontpopte festival. De Schreeuw fan Edvard Munch as logo en poster stjit symboal foar de skriem die oer it festival hinne raast. In skriem fan Skrik en fan de jeugd die iederien hearre moat, want allinnich dan kinsto dy sels optoppen tot flinter.

Bestjoer

  • Foarsitter – Timen de Boer
  • Horeka – Tjitse Postma
  • Artysten – Sjoerd de Boer
  • Techniek & terrein – Thijs de Boer
  • Iten, EHBO & beveiliging – Jorn Klijnsma
  • Ponghâlder – Pieter Wijnia
  • Keunstkommisje – Else de Boer, Janneke de Boer

FAQ

Wannear is it festival?

It Skrik festival is op 30 augustus 2025

Hoelang duorret it festival?

It festival duorret fanôf 16:30 oant en mei 01:00.

Stypje fan it festival

Mochten je no mei it bedriuw stypje wolle? Mail dan nei it e-mailadres: festivalskrik@gmail.com

Alcoholferkeap?

Wy skinke gjin alkoholyske dranken oan jongerein ûnder de 18 jier. It barpersoniel kin dy om in legitimaasjebewiis freegje. De kosten foar eventuele boetes omwille fan drankgebrûk ûnder de 18 jier wurde ferhelle op de oertrêdende besiker. Dêrneist steane wy foar in ferantwurde alkoholgebrûk. Misbrûk fan alkohol wurdt net tolerearre.

Muntferkeap?

Foar it konsumearjen fan (fris)drank kostet dit munten. Munten kist keapje by de kassa. Dêr kist betelje mei kontantjild, pin en kontaktleas mei smartphone of smartwatch. In munt kostet € 3, -. Munten kinne net wer ynlevere wurde foar jild.

Lokaasje en rûtebeskriuwing

It adres fan it festival is: Van Sminialeane 50, 8731 BH Wommels. Op it fytspaad rjochting Easterein kinne je de earste ôfslach nei rjochts nimme foar it parkearjen fan de fyts en de earste ôfslach links foar it parkearjen fan de auto. Hjir rinst dan oer in ferhurde dyk nei it festivalterrein.

Iets kwytrekke op it festival?

Bist wat kwytrekke op it festival? Mail dan nei it e-mailadres: festivalskrik@gmail.com.

InstagramFacebook
Back To Top