Doe’t frontman Kurt Cobain him yn 1994 fan it libben berôve, besleaten bassist Krist Novoselic en drummer Dave Grohl dat Nirvana dêrmei ta in ein kommen wie. Yn de jierren dêrfoar hie Nirvana as gjin oare band it skriezend lûd bepaald, in muzykstyl dy’t benammen yn de jierren njoggentich tige populêr wie. It ferdwinen fan Nirvana fan it poadium liet dan ek in grut gemis efter.

Gelokkich bringt de Bredase band Bleach sûnt 1997 de ûneinige enerzjy en passy fan Nirvana wer ta libben. Mei Tim van Bokhoven op gitaar en sang, Jasper van der Hoeven op bas, en Silvester van Rijckevorsel op drums en sang, witte sy as powerrocktrio elk poadium om te tsjoenen ta in eksplosive grunge-ûnderfining. Harren optredens binne in wiere trip werom nei de gloarjedagen fan de jierren ’90: rau, yntins en ûnferjitlik. Troch de jierren hinne is mannich gitaar op’e planken sneuvele, wat allinnich mar bydraacht oan’e yntinse belibbing fan harren shows.

Bleach giet ta it uterste om Nirvana’s ikoanyske sound en enerzjy del te setten. Se hawwe harren yngeand taret troch net allinnich de nûmers te repetearjen, mar ek troch withoefolle liveregistraasjes te bestudearjen om de bewegingen en it garisma fan Kurt Cobain, Krist Novoselic en Dave Grohl perfekt nei te dwaan. Tim van Bokhoven, mei syn autentike stimlûd en loftshannigens, bringt de geast fan Cobain hast taastber nei it poadium. Dit trio jout elke show alles wat se yn har hawwe en soarget foar in unike grunge-ûnderfining dy’t gjinien ûnberoerd lit.